Leonardo DiCaprio បាន​សម្ដែង​ក្នុង​រឿង The Revenant ជា​តួ​ដែល​លំបាក​រួច​ជីវិត​ពី​ស្លាប់​យ៉ាង​វេទនា​បំផុត។ គាត់​បាន ឈ្នះ​ពានរង្វាន់​ Golden Globe ក្នុង​ការ​សម្ដែង​ជា​តារា​ដែល​វេទនា​ ​និង​ ​កំសត់​បំផុត​ក្នុង​រឿងរ៉ាវ​ដែល​បាន​កើត​ឡើង​នា​សតវត្សរ៍​ទី១៩​។

DiCaprio​ បាន​និយាយ​នៅ​ក្រៅ​ឆាក​ថា​ វា​ពិត​ជា​រឿង​ដែល​គួរ​អោយ​រីករាយ​ខ្លាំង​ណាស់។ យើង​ពិត​ជា​បាន​បើក​នូវ​ទំព័រ​ថ្មី​មួយ​នៅ​ចុង​សបា្តហ៍​នេះ​ ព្រោះ​ខ្ញុំ​គិត​ថា​អ្នក​ទាំង​អស់​គ្នា​មាន​ភាព​រីករាយ​ ដែល​បាន​ឃើញ​ភាព​ផ្សេងគ្នា​នៃ​ភាពយន្ត​ដែល​បាន​បង្ហាញ​នា​សម័យ​កាល​នោះ។

DiCaprio បាន​ឱ្យ​ដឹង​ថា​៖ «​ខ្ញុំ​សូម​ចែករំលែក​ពានរង្វាន់​នេះ​ជា​មួយ​នឹង ​​សហគមន៍​ជនជាតិ​ដើម​ភាគតិច​ទាំង​អស់​នៅ​ជុំវិញ​ពិភព​លោក»។

«វា​គឺ​ជា​ពេលវេលា​ដែល​យើង​ទទួល​ស្គាល់​ពី​ប្រវត្តិសាស្ត្រ​របស់​អ្នក​និង ​​ការពារ​ដី​ជន​ជាតិ​ដើម​ភាគតិច​របស់​អ្នក​ពី​ផល​ប្រយោជន៍​របស់​ក្រុមហ៊ុន​ និង​ពួក​អ្នក​ដែល​បាន​ទាញ​យក​ប្រយោជន៍​ពី​ជនជាតិ​ដើម​ភាគ​តិច»។

តារា​ហូលីវូត​វ័យ​៤១​ឆ្នាំ​រូប​នេះ បាន​ឈ្នះ​ពាន​រង្វាន់​ Golden Globe ​ជា​លើក​ទី​៣​ហើយ​នៅ​ក្នុង​អាជីព​សម្ដែង​របស់​ខ្លួន ដោយ​កាល​ពី​ពីរ​ឆ្នាំ​មុន​គាត់​បាន​ទទួល​ពាន​នេះ​នៅ​ក្នុង​រឿង​ The Wolf of Wall Street និង​នៅ​ឆ្នាំ​២០០៥​ គាត់​បាន​ទទួល​ពានរង្វាន់​នេះ​ដដែល​នៅ​ក្នុង​រឿង The Aviator ។

ប្រភព៖ entertainment.inquirer.net , bizkhmer